Në një vizitë të papritur, Donald Trump u shfaq të martën në mëngjes (5 gusht) në çatinë e sallës së konferencave të Shtëpisë së Bardhë, për të inspektuar vendin ku do të ndërtohet salla e re e banketeve.
I shoqëruar nga arkitekti James McCreary, Trump vëzhgoi nga afër zonën e punimeve dhe mori informacione mbi zgjerimin që është përshkruar si “luksoz dhe i domosdoshëm”. Masat e sigurisë ishin të shtuara, me praninë e snajperëve mbi Krahun Perëndimor, ndërsa gazetarët u njoftuan për shfaqjen e tij rreth orës 9:40.
Sipas zëdhënëses Caroline Levitt, salla e re do të ndërtohet me “harmoni të brendshme dhe përpikëri arkitekturore”, duke u bërë pjesë e transformimeve të planifikuara gjatë mandatit të Trump.
