Kryeministri Edi Rama ka njoftuar nisjen e zbatimit në shkallë kombëtare të recetës mjekësore në formatin unik, një reformë që synon të përmirësojë cilësinë dhe efikasitetin e shërbimit shëndetësor në vend.
Që prej 1 gushtit, receta unike është në përdorim në të gjithë territorin, duke sjellë përfitime si më shumë siguri për pacientët, më pak burokraci për mjekët dhe farmacistët, si dhe një trajtim dhe ndjekje më të saktë të pacientëve.
Rama përmes një postimi në rrjete sociale theksoi rëndësinë e këtij ndryshimi për përmirësimin e shëndetësisë dhe shprehu falënderime për farmacistët që janë në vijën e parë të shërbimit ndaj qytetarëve.
