Ditën e sotme një fluks i lartë udhëtarësh është paraqitur në pikën kufitare në Kakavijë.
Policia Kufitare e Kakavijës njofton se ka ndërmarrë të gjitha masat për përballimin e këtij fluksi dhe është në kontakt të vazhdueshëm me autoritetet homologe greke. Gjithashtu ka shtuar numrin e sporteleve në funksion të përshpejtimit të procedurave.
Në hyrje të Shqipërisë po punohet me 5 sportele, ndërsa në dalje me 2 sportele. Nga pala greke po funksionojnë 3 sportele në hyrje dhe 2 sportele në dalje.
Ndërkohë gjatë intervalit kohor 08:00 – 16:00, përmes pikës kufitare Kakavijë kanë hyrë dhe dalë 5482 persona dhe 2090 automjete.
Drejtoria Vendore e Kufirit dhe Migracionit Gjirokastër siguron qytetarët se po bashkëpunohet ngushtë me palën greke për të menaxhuar fluksin e udhëtarëve.
