Gjykata e Posaçme kundër Korrupsionit do të shqyrtojë më 13 gusht, në orën 10:00, kërkesën e Ilir Metës për të zëvendësuar masën e sigurisë “arrest në burg”.
Seanca do të drejtohet nga gjyqtari Erjon Çela, pas shpalljes së moskompetencës nga gjyqtari Erjon Bani në seancën e kaluar.
Avokati i Metës, Kujtim Cakrani, kishte kërkuar që çështja të shqyrtohej nga gjyqtari që kishte ndjekur më parë dosjen në fazën e hetimeve.
Meta kërkon lirinë, duke argumentuar se nuk ekziston më rreziku për prishje provash, pasi hetimet janë mbyllur dhe dosja është dërguar për gjykim.
Ish-Presidenti ndodhet në paraburgim që prej 21 tetorit 2024 dhe akuzohet për korrupsion, pastrim parash dhe fshehje pasurie, në lidhje me çështjet e lobimit të LSI në SHBA dhe aferën CEZ-DIA.
