Presidenti amerikan Donald Trump zhvilloi një telefonatë me liderin e Bjellorusisë, Alexander Lukashenko, disa orë para takimit me Vladimir Putinin në Alaska.
Trump e cilësoi bisedën si “të mrekullueshme” dhe e quajti Lukashenkon një “udhëheqës shumë të respektuar”.
Ai tha se telefonata kishte për qëllim falënderimin për lirimin e 16 të burgosurve, ndërsa shtoi se po diskutohen mundësitë për lirimin e 1,300 të tjerëve.
Dy liderët shkëmbyen mendime edhe mbi vizitën e ardhshme të Putinit në Alaska, ndërsa Trump theksoi se shpreson të takohet personalisht me Lukashenkon në të ardhmen.
