Rruga nacionale nga Bulqiza deri tek ura e Çerenecit, pjesë e rrugës së Arbrit, ka dy vjet që është në gjendje të degraduar.
Një krah i saj është bërë shumë i rrezikshëm për shoferët për shkak të gropave të shumta.
Banorët e fshatit Peladhi dhe drejtuesit e mjeteve ankohen për aksidentet e shpeshta, ku për të shmangur gropat, shoferët kalojnë në anën e kundërt të rrugës, duke shkaktuar aksidente dhe dëme në bagëti.
Ata kërkojnë riparimin urgjent të rrugës dhe përmirësimin e sinjalistikës horizontale, si dhe vendosjen e vijës ndarëse për të parandaluar parakalimet dhe uljen e shpejtësisë për sigurinë e qarkullimit.
