Deputetja e Vetëvendosjes, Shqipe Mehmeti Selimi, nuk mori pjesë në votimin për Donika Gërvallën si kandidate për kryetare të Kuvendit të Kosovës.
Ajo tha se vendimi i saj nuk ka të bëjë me motive partiake, por lidhet me deklaratat e Gërvallës në vitin 2020, kur kjo e fundit kishte kundërshtuar propozimin e bashkëshortit të deputetes, Rexhep Selimi, si shef i grupit parlamentar të VV-së.
Selimi publikoi sqarimin e saj në Facebook, duke theksuar se e bëri për hir të transparencës dhe respektit ndaj votuesve.
Në votimin e mbajtur të mërkurën, as Donika Gërvalla e as Albulena Haxhiu nuk arritën të zgjidhen kryeparlamentare, pasi nuk morën më shumë se 57 vota.
Seanca e radhës për votimin e kryetarit të Kuvendit do të mbahet të premten në orën 11:00.
