Rusia njoftoi të hënën ndalimin e hyrjes në territorin e saj për 21 shtetas britanikë, përfshirë gazetarë, ekspertë dhe anëtarë të organizatave joqeveritare. Sipas autoriteteve ruse, ata akuzohen për bashkëpunim me media britanike që promovojnë narrativa “armiqësore” ndaj Moskës.
Ky vendim është pjesë e një liste më të gjerë ndalimesh që Rusia ka vendosur ndaj shtetasve perëndimorë që prej nisjes së luftës në Ukrainë.
Si kundërpërgjigje, qeveria britanike shpalli sanksione të reja ekonomike, duke targetuar rrjetet e kriptomonedhave të lidhura me Rusinë, të cilat dyshohen se përdoren për financimin e luftës.
