Kryeministri Edi Rama ka reaguar sërish në lidhje me aksionin për çlirimin e hapësirave publike, duke akuzuar këtë herë gjyqtarin Klarent Demiri se ka marrë dy vendime që pengojnë ekzekutimin e vendimeve për largimin e lokaleve që kanë zaptuar hapësira publike.
Rama e akuzon gjyqtarin se ka vepruar kundër interesit publik dhe paralajmëron se nuk do të tolerohet më asnjë përfaqësues i pushtetit gjyqësor që, sipas tij, abuzon me detyrën për të ndikuar apo bllokuar programet qeveritare.
Ai njoftoi se çështja do t’i referohet organeve të qeverisjes dhe kontrollit të sistemit të drejtësisë, ashtu si në rastet e prokurores Gjeli dhe gjyqtarit Balliu.
