Pika kufitare e Qafë Thanës është përballur këtë të shtunë me radhë të gjata automjetesh dhe pritje të zgjatura në të dyja drejtimet, si pasojë e rritjes së ndjeshme të lëvizjes së qytetarëve gjatë fundjavës.
Autoritetet shqiptare dhe ato të Maqedonisë së Veriut kanë vënë në funksion tetë sportele për të përshpejtuar procedurat dhe për të përballuar fluksin, por numri i lartë i udhëtarëve ka bërë që vonesat të jenë të pashmangshme.
Lëvizjet e shtuara lidhen me sezonin e verës dhe rikthimin nga pushimet, duke e kthyer Qafë Thanën në një nga pikat më të ngarkuara kufitare në këtë periudhë.
