Një ngjarje tronditëse ka shokuar opinionin publik në Volos të Greqisë, ku 36-vjeçarja Mariola Nakoleci humbi jetën në mënyrë tragjike, e vrarë nga bashkëshorti i saj, 40-vjeçari Pandeli Nakoleci.
Në një rrëfim për median lokale taxydromos.gr, vajza 18-vjeçare e çiftit, Katerina tha se tashmë ndihet sikur ka humbur të dy prindërit e saj. Ajo shprehu hidhërimin e thellë që ndien ndaj të atit dhe dhimbjen e pakufishme për humbjen e nënës.
“Atë që i bëri mamasë sime – shiko këtu – do t’ia bëj edhe unë. Do të hakmerrem ndaj tij. Nuk dua ta shoh më kurrë! Por do të sigurohem që ta takoj, sepse dua t’i them “turp”!”
Do të hakmerrem për nënën time. Për mua të dy janë të vdekur. I dua prindërit e mi, por tani të dy janë të vdekur. Jam unë dhe vëllezërit e motrat e mia.
Nuk kam më as nënë, as baba. Ashtu si vëllezërit e motrat e mia më të vogla. Që tani e tutje, do të jem si nënë ashtu edhe baba për ta.
Nuk do ta tregoj sekretin e familjes sime. Do ta mbaj për vete. E dimë çfarë po kalonim. Ata e kishin zili nënën time dhe ne, fëmijët e saj.
Ne ishim një familje që ata e kishin zili, e admironin. Tani ai na shkatërroi. Le të shkojë në burg dhe të mos dalë më kurrë. Le të kalbet”, tha 18-vjeçarja, me zemër të thyer nga tragjedia.
