Katër helikopterë po operojnë në zonat e Porosit dhe Bogovës për të neutralizuar vatrat e zjarrit, ndërsa forcat ajrore monitorojnë situatën me dronët TB-2 për të identifikuar vatra të reja dhe zjarrëvënie të qëllimshme.
Në Pishë-Poro të Vlorës, zjarri ka marrë përmasa të mëdha për shkak të erës, ndërsa terreni i vështirë nuk lejon ndërhyrjen me mjete zjarrfikëse.
Në terren janë angazhuar automjete dhe forca zjarrfikëse, si dhe helikopterët nga Forca Ajrore Shqiptare dhe Emiratet e Bashkuara Arabe për mbështetje.
