Arbnor Muja është zyrtarisht pjesë e St. Truidens në elitën e futbollit belg. Sulmuesi i Kombëtares shqiptare është transferuar nga Samsunspori në formë huazimi, me të drejtë blerjeje në fund të sezonit.
Muja ishte në radarin e disa skuadrave, mes tyre edhe Anderlehti i drejtuar nga Besnik Hasi, por marrëveshja nuk u finalizua.
Në fund, surpriza erdhi nga St. Truidens, që aktualisht kryeson kampionatin belg pas pesë javësh me 13 pikë.
Pas një eksperience jo të suksesshme në Turqi, ku pati pak minuta në fushë, Muja kërkon një kapitull të ri dhe më shumë hapësira te klubi belg.
