Gjykata e Posaçme për Krime të Rënda (GJKKO) ka vendosur masën e sigurisë “arrest me burg” për inspektorin e Inspektoratit të Mbrojtjes së Territorit (IMT) në Tiranë, Gerald Fuçia, i arrestuar nga SPAK në kuadër të një hetimi për korrupsion.
Fuçia dyshohet se ka marrë ryshfet nga një biznes për vendosjen e tendave në Tiranë.
Hetimi ka nisur pas denoncimit nga një qytetar, pronar lokali, që ka deklaruar se dy inspektorët i kishin kërkuar 1,000 euro ryshfet.
Në seancën e zhvilluar pas arrestimit, Fuçia mohoi akuzat dhe kërkoi hetim të thelluar për të dëshmuar pafajësinë e tij.
Avokatja e tij kërkoi një masë më të butë sigurie, duke akuzuar kolegun e tij, Klajdi Zhilla, i cili u shpall në kërkim dhe më pas u dorëzua. Ai dyshohet për korrupsion pasiv.
