Një traget turistik i Maqedonisë së Veriut, i cili udhëtonte nga Shën Naumi drejt Ohrit, ka hasur në kushte të vështira moti pas stuhisë së fortë që përfshiu Juglindjen e Shqipërisë.
Erërat e fuqishme dhe dallgët e larta e detyruan tragetin të lundronte shumë pranë bregut shqiptar për të shmangur rreziqet e mundshme.
Nuk janë regjistruar dëme materiale dhe as të lënduar, ndërkohë që trageti ka kaluar kufirin me Maqedoninë dhe ka vazhduar pa problem udhëtimin drejt destinacionit të tij në Ohër.
