Nënkryetari i Bashkisë së Tiranës për territorin dhe zonat rurale, Blendi Sulaj, ka inspektuar punimet për ndërtimin e shkollës “Mersin Duqi” në Bërzhitë, që do të presë mbi 180 nxënës dhe do të shërbejë gjithashtu si hapësirë rekreative për komunitetin pas orarit mësimor.
Sulaj vizitoi edhe shkollën “Selman Meta”, duke theksuar se Bashkia e Tiranës do të qëndrojë e gatshme për çdo nevojë të institucioneve arsimore në këto zona.
Ndërtimi dhe përmirësimi i shkollave në zonat rurale mbetet një nga prioritetet e Bashkisë, për të garantuar kushte më të mira mësimi për të gjithë nxënësit.
