Autoritetet në Spanjë kanë marrë mostrat e ADN-së së vëllait dhe vajzës së Miklovan Dakajt për të përcaktuar nëse trupi i pajetë i gjetur në brigjet e Marbellës i përket atij.
Deri tani, familjarët nuk kanë marrë njoftim zyrtar, pasi ende pritet përfundimi i ekspertizës gjenetike.
Hetimet nisën pas denoncimit të familjarëve për zhdukjen e Dakajt.
Në pamjet e kamerave të sigurisë u zbulua se personi i fundit që e takoi ishte Juxhin Drazhi, i arrestuar më pas në Spanjë për lidhje me trafikun e drogës, pjesë e një grupi të njohur kriminal.
Drazhi do të pyetet për zhdukjen e Dakajt, megjithëse deri tani nuk ka prova që e lidhin drejtpërdrejt me ngjarjen.
Policia ka marrë në dorë mesazhe në Telegram, ku një njoftim i paqartë thotë që nuk duhet kërkuar Dakajn, pasi dyshohet se është hedhur në det, por identiteti dhe vendndodhja e dërguesit janë ende të panjohura.
