Sekretari i Shtetit i SHBA-së, Marco Rubio u nis sot për udhëtimin e tij të parë në detyrë në Meksikë.
Rubio do të takohet me presidenten meksikane Claudia Sheinbaum në një udhëtim që do ta çojë atë gjithashtu në Ekuador.
Departamenti i Shtetit tha se Rubio do të bëjë presion mbi të dyja vendet për veprime të shpejta dhe vendimtare për të çmontuar kartelet, për të ndaluar trafikimin e fentanilit, për t’i dhënë fund emigracionit të paligjshëm dhe për të kundërshtuar ndikimin e Kinës.
