Sulmuesi i Kombëtares, Mirlind Daku, ka folur para sfidës ndaj Letonisë më 9 shtator në “Air Albania”, e vlefshme për kualifikueset e Botërorit 2026.
Daku tha se ekipi është gati të japë maksimumin për të arritur objektivin e madh.
“Duhet të jemi të përqendruar dhe të bashkuar. Këto janë ndeshjet më të vështira, sepse kundërshtari nuk ka asgjë për të humbur,” tha ai.
Sulmuesi shtoi se Shqipëria ka dominuar shumicën e ndeshjeve dhe se me punë dhe sakrificë, kualifikimi është i mundur.
