Kylian Mbappe ka arritur kuotën prej 51 golash me përfaqësuesen e Francës, duke barazuar rekordin e legjendarit Thierry Henry.
Sulmuesi i “Gjelave” shprehu gëzim dhe respekt për arritjen e tij, por shtoi se synimi i tij është të tejkalojë këtë shenjë historike.
“Është një nder të barazohem me një lojtar si Henry, i cili ka një rëndësi të madhe për futbollin francez, sidomos për sulmuesit.
Ai hapi rrugën dhe unë kam shumë respekt për të.
Të arrish këtë numër golash kaq herët në karrierë është një çmenduri, por më pëlqen. Dua të vazhdoj të shënoj dhe mbi të gjitha të fitoj ndeshje dhe trofe,” tha Mbappe.
