Që në orët e para të mëngjesit, mijëra qytetarë dhe personalitete nga bota e modës janë mbledhur në Teatrin Armani në Milano për t’i bërë nderimet e fundit stilistit legjendar Giorgio Armani, i cili u nda nga jeta në moshën 91-vjeçare.
Ceremonia mortore do të zgjasë dy ditë, me dy hyrje të veçanta për publikun dhe punonjësit e markës Armani.
Në homazhe morën pjesë figura të njohura si stilistja Donatella Versace dhe regjisori Giuseppe Tornatore.
Punonjësit e markës shprehën mirënjohje dhe dhimbje për humbjen e një njeriu që, përveçse ishte një vizionar i modës, ishte i afërt dhe njerëzor me ta.
Giorgio Armani do të mbahet mend si njeriu që bëri të pavdekshme elegancën italiane dhe ndikoi thellësisht industrinë globale të stilit.
