Zëdhënësi i Kremlinit, Dmitry Peskov, deklaroi se presidenti ukrainas Volodymyr Zelensky është ftuar në Moskë për të zhvilluar bisedime jo për t’u dorëzuar.
Kjo deklaratë vjen pas komenteve të presidentit rus Vladimir Putin në një konferencë në Kinë, ku ai theksoi se nuk ka refuzuar kurrë mundësinë e negociatave me Kievin dhe mbetet i hapur për një takim me Zelenskyn, megjithëse e konsideron të vështirë arritjen e një marrëveshjeje në atë format.
Nga ana tjetër, Kievi ka refuzuar këtë ftesë, duke e konsideruar atë të papranueshme. Ministri i Jashtëm ukrainas Andrey Sibiga akuzoi Moskën për propozime që e bëjnë të pamundur një dialog të sinqertë, por shtoi se Zelensky mbetet i gatshëm për të negociuar në kushte të drejta.
Putin ka nënvizuar se çdo takim duhet të jetë i përgatitur mirë dhe të ketë rezultate konkrete.
Sipas tij, për një samit të suksesshëm, së pari duhet të ketë një bazë të qartë negociuese e përgatitur nga të dyja palët.
