Sekretari britanik i Mbrojtjes, John Healey, ka njoftuar se qeveria po shqyrton përdorimin e kazermave ushtarake dhe objekteve të tjera për strehimin e përkohshëm të azilkërkuesve, pas një vale të re mbërritjesh me varka të vogla vetëm të shtunën, 1,097 persona kaluan Kanalin drejt Mbretërisë së Bashkuar.
Healey theksoi se mungesa e kontrollit të kufijve ka ulur besimin e publikut dhe kjo duhet adresuar me urgjencë.
Në bashkëpunim me Ministrinë e Brendshme, ai po shqyrton zgjidhje të reja, përfshirë përdorimin e mëtejshëm të zonave ushtarake si strehim emergjent.
Aktualisht, dy baza MDP Wethersfield dhe Napier Barracks po përdoren për një numër të kufizuar azilkërkuesish. Propozimi për zgjerim vjen pas protestave publike kundër përdorimit të hoteleve si strehim për migrantët.
Sipas të dhënave zyrtare, numri i mbërritjeve këtë vit ka arritur në 29,003, pavarësisht një rënieje të përkohshme në gusht. Autoritetet britanike dhe franceze po rrisin përpjekjet për të luftuar rrjetet kriminale që organizojnë kalimet ilegale.
