Ish-bashkëshortët Uanda Nara dhe Maksi Lopez do të takohen përsëri, por këtë herë në kuzhinë! Uanda do të jetë prezantuese në emisionin argjentinas “MasterChef Celebrity”, ndërsa Maksi Lopez do të marrë pjesë si konkurrent.
Përgatitjet e Maksit për garën kanë nisur që në shtëpi, ku nuk hezitoi të kërkonte këshilla nga Uanda.
Ajo madje publikoi mesazhet e tyre plot humor, duke i thënë: “Nuk mund t’i jap konfidencë pjesëmarrësve, mos kërko kompromise”.
Maksi iu përgjigj: “Po gatuaj bukën në shtëpi. Nuk e kisha imagjinuar kurrë në jetën time. Të shohim si del”.
Në fund, Uanda i bëri edhe një premtim të veçantë: “Nëse fiton, të kthej Rolex të finales të Ligës së Kampioneve dhe vilën në Santa Barbara”. Tani mbetet për Maksin të tregojë aftësitë e tij në kuzhinë dhe të fitojë zemrat e jurisë dhe publikut.
