Rreth 345 mijë nxënës dhe 31 mijë mësues rikthehen sot në institucionet arsimore publike për nisjen e vitit të ri shkollor 2025-2026.
Sipas Ministrisë së Arsimit, këtë vit janë shpërndarë tekste falas për 236 mijë nxënës, ndërsa janë ndërtuar ose rehabilituar 30 shkolla dhe 340 laboratorë SMART.
Po ashtu, ka investime në palestra, terrene sportive dhe laboratorë të rinj shkencorë.
“Mësuesit, psikologët, punonjësit socialë dhe oficerët e sigurisë janë gati të mirëpresin nxënësit në ditën e parë të shkollës”, thuhet në deklaratën e Ministrisë.
