Qeveria austriake ka paraqitur një projektligj që synon të ndalojë vajzat nën moshën 14 vjeç të mbajnë shami në shkolla.
Ministrja e Integrimit, Claudia Plakolm, e përshkroi shaminë si “shenjë shtypjeje” që kufizon lirinë dhe dukshmërinë e vajzave.
Ligji parashikon masa graduale për shkelësit: fillimisht do të zhvillohen biseda me nxënësen dhe prindërit e saj, më pas autoritetet arsimore mund të përfshihen, ndërsa në fund mund të vendosen gjoba deri në 1,000 euro ose madje edhe dënime me burg për prindërit.
Ky ligj ende duhet të miratohet nga parlamenti dhe do të përballet me shqyrtimin e Gjykatës Kushtetuese, e cila më parë rrëzoi një ndalim të ngjashëm në vitin 2020, duke argumentuar se rregullorja diskriminonte vajzat myslimane dhe mund t’i margjinalizonte ato në arsimin publik.
Bashkësia Islame në Austri e ka kritikuar ashpër këtë nismë, duke e cilësuar atë si një “politikë simbolike” që rrezikon kohezionin shoqëror dhe besimin në sundimin e ligjit.
