Princi Harry është takuar në Clarence House në Londër me babain e tij, Mbretin Charles, në një takim të parë pas më shumë se një viti.
Ky është momenti i parë që dyshja shihen ballë për ballë që nga shkurti i vitit 2024, kur Harry kishte udhëtuar për në Mbretëri pas njoftimit për sëmundjen e Charles.
Takimi vjen në një kohë të rëndësishme për marrëdhëniet brenda familjes mbretërore, të cilat kanë qenë të tensionuara gjatë kësaj kohe.
Gjatë qëndrimit në Londër, Princi Harry ka marrë pjesë në disa aktivitete humanitare, përfshirë vendosjen e luleve pranë varrit të Mbretëreshës Elizabeth II në përvjetorin e tretë të ndarjes së saj nga jeta.
Marrëdhëniet me vëllain e tij, Princi William, mbeten të ftohta dhe nuk ka shenja për një takim mes tyre. Ndërkohë, fondacioni i Harry-t, Archewell, ka dhuruar 500 mijë dollarë për ndihmë humanitare në Ukrainë dhe Gaza.
Takimi me Mbretin Charles shihet si një hap i rëndësishëm drejt përmirësimit të marrëdhënieve familjare, megjithëse sfidat mbeten të mëdha.
