Nepali është përfshirë nga trazira të forta pas protestave kundër qeverisë, të cilat kulmuan me dorëheqjen e kryeministrit Sharma Oli.
Si pasojë e situatës kaotike, të paktën 7,557 të burgosur janë arratisur nga 13 institucione korrektuese në të gjithë vendin.
Mediat lokale raportojnë se disa prej arratisjeve më masive ndodhën në burgjet Jaleshwar, Lalitpur dhe Pokhara, ku janë larguar me qindra të dënuar, përfshirë dhe kriminelë të rrezikshëm.
Autoritetet kanë angazhuar forca shtesë të sigurisë në nivel kombëtar dhe u kanë bërë thirrje qytetarëve të raportojnë çdo aktivitet të dyshimtë.
Trazirat janë shoqëruar me djegien e institucioneve shtetërore, përfshirë parlamentin dhe Gjykatën e Lartë, si dhe me sulme ndaj banesave të zyrtarëve. Situata në vend mbetet e tensionuar, ndërsa qeveria përkohësisht po kërkon rikthimin e rendit dhe kapjen e të arratisurve.
