Ulsi Manja nuk do të jetë më pjesë e kabinetit qeveritar në qeverinë Rama 4, duke lënë postin e ministrit të Drejtësisë.
Vendin e tij do ta marrë Besfort Lamallari, i cili do të drejtojë këtë ministri, ndërsa Manja ka njoftuar se do të rikthehet në Komisionin Parlamentar të Ligjeve, ku do të vazhdojë të kontribuojë në procesin legjislativ.
“Rikthehem në shtëpinë time. Kënaqësi që do t’ia dorëzoj detyrën një njeriu dhe një djali të mrekullueshëm me kontribute të shkëlqyera në procesin e integrimit të Shqipërisë. Nuk është largim, është rikthim në shtëpinë time natyrale në komisionin e ligjeve”.
