Gjykata e Sarandës ka urdhëruar kalimin për gjykim të Saimir Kushovës i akuzuar për “shkelje të rregullave të mbrojtjes në punë” pas vdekjes tragjike të turistes britanike Rebecca Gannon gjatë zhytjes në bregdetin shqiptar në shtator 2022.
Kushova, zhytës profesionist dhe drejtues i “Saranda Diving Center” dyshohet se ka mosrespektuar rregullat e sigurisë, duke sjellë fatalisht humbjen e jetës së 29-vjeçares.
Hetimet zbuluan mungesë mbikëqyrjeje dhe pajisje të papërshtatshme, ndërkohë që vdekja u shkaktua nga asfiksia mekanike, për shkak të futjes së ujit në rrugët e frymëmarrjes.
Ai do të gjykohet në mungesë, pasi është duke vuajtur dënim 15-vjeçar në Norvegji për trafik droge.
Në proces do të jenë të pranishëm edhe prindërit e viktimës, që janë zhvendosur në Shqipëri për të kërkuar drejtësi.
