Në moshën 89-vjeçare u shua Hermeto Pascoal, kompozitori dhe muzikanti i njohur brazilian, i cili njihej për stilin e tij unik që përziente jazzin me muzikën tradicionale braziliane.
Ai la pas mbi 2,000 kompozime instrumentale dhe vazhdoi të krijonte muzikë deri në moshën e fundit.
Pascoal, i cili luante piano, flaut, saksafon, kitarë, bateri dhe fizarmonikë, u rrit në një fshat në veri-lindje të Brazilit dhe mësoi muzikë vetë, pasi albinizmi e pengonte të punonte jashtë me familjen.
Në fëmijëri nisi të luante në valle dhe dasma, dhe më pas u bë një figurë e njohur në skenën e muzikës braziliane.
Në vitet ’50, ai u zhvendos në Rio de Janeiro, ku u përfshi në botën e jazzit dhe bashkëpunoi me emra të mëdhenj si këngëtarja Elis Regina dhe perkusionisti Airto Moreira, i cili e shoqëroi edhe në një turne në SHBA ku Pascoal u prezantua me legjendën Miles Davis.
Familja e Pascoal njoftoi vdekjen e tij përmes Instagramit, duke theksuar se ai ishte rrethuar nga të afërmit dhe kolegët muzikantë në momentet e fundit.
