Fëmijët në Spanjë duke filluar nga ky vit do të mësojnë në shkolla rreth zjarreve në pyje, përmbytjeve, tërmeteve, shpërthimeve vullkanike, në mënyrë që të përgatiten për ndikimin në rritje të ndryshimeve klimatike.
Siç shkruan Guardian, edhe fëmijët nga mosha tre vjeç do të kenë trajnim, sipas nivelit të tyre.
Sipas Ministrisë së Arsimit, qëllimi është t’u ofrojë shkollave një paketë që ofron njohuritë, aftësitë, qëndrimet dhe vlerat e nevojshme për t’u përballur në mënyrë të sigurt dhe efektive në situata emergjente.
“Fëmijët parashkollorë të moshës tre, katër dhe pesë vjeç do të mësojnë të njohin një alarm dhe si të dallojnë shenjat e para të rrezikut, si dhe parimet themelore të sigurisë. Fëmijët më të rritur do të mësojnë të kërkojnë lartësi në rast përmbytjeje dhe të strehohen nën një tavolinë nëse toka fillon të dridhet”, sipas Ministrisë Spanjolle të Arsimit.
