Pasditen e djeshme një shpërthim i fuqishëm ndodhi në një lokal në Madrid. Si pasojë humbi jetën një person dhe mbi 25 janë plagosur, mes tyre tre në gjendje të rëndë.
Ngjarja ndodhi rreth orës 16:00 në ambientet e barit “Mis Tesoros”, në katin përdhes të një ndërtese trekatëshe.
Pas orësh të tëra pune intensive nga mbi 18 ekipe zjarrfikësish, të shoqëruar nga njësi qensh dhe ekspertë shpëtimi, autoritetet konfirmuan se trupi i një burri 52-vjeç u gjet nën rreth një metër rrënoja dhe mbeturina.
Sipas deklaratave të Manuel Marín, kreut të Departamentit të Zjarrfikësve të Komunitetit të Madridit, shpërthimi dyshohet të jetë shkaktuar nga një grumbullim gazi.
