Spanja ka përjetuar verën më të nxehtë në historinë e saj në vitin 2025, sipas të dhënave nga shërbimi kombëtar i motit AEMET.
Temperaturat mesatare nga qershori në gusht ishin 24.2 gradë celcius, duke tejkaluar rekordin e mëparshëm të vitit 2022. Kjo verë ishte 2.1 gradë më e nxehtë se mesatarja për periudhën 1991-2020.
Ndërsa në qytetin Jerez de la Frontera më 17 gusht u shënua temperatura me e lartë prej 45.8 gradë gjatë një vale të fortë të nxehti.
Thatësira e madhe dhe temperaturat ekstreme nxitën zjarre shkatërruese në mbarë vendin. Rreth 380.000 hektarë pyje dhe toka u dogjën, duke thyer rekordin e mëparshëm të vitit 2022.
