Gazetarja e njohur, Mira Kazhani ka treguar për betejën e saj me kancerin e gjirit. Ajo ka thënë se prej një viti po lufton me kancerin e gjirit. Gazetarja ka shprehur se erdhi si një diagnozë e papritur me 2 nëntor 2024 dhe e ka cilësuar atë ditë si “dimrin e jetës” së saj.
“U diagnostikova me kancer në gji dhe që prej asaj dite gjithçka ndryshoi përgjithmonë. Në podcaste keni parë vetëm gjysmën time, ndërsa pjesa tjetër zhvillohej në një betejë të gjatë me sëmundjen. Në atë kohë zgjodha të hesht, të përqëndrohem te shërimi im dhe të mos bëhem lajm në rrjet. Sot, ndihem mirënjohëse ndaj kolegëve të mi që e mësuan situatën time e që nuk e shpërndanë lajm, duke më sjellë qetësi mua e që nuk sollën shqetësim tek prindërit e mi që nuk e dinin se çfarë po kalonte fëmija i tyre, tani e dinë se çfarë kisha.”, shprehet gazetarja.
“Nuk ka kancer të lehtë, është makth. Edhe kur diagnostikohet në fazat e para, është një plagë e madhe në shpirt e trup”, u shpreh ajo.
