Ministrja e Ekonomisë dhe Inovacionit, Delina Ibrahimaj, theksoi rëndësinë e zhvillimit teknologjik gjatë prezantimit të platformës Startup Albania, një nismë që synon lidhjen e sipërmarrjeve inovative me strukturat shtetërore dhe ofrimin e mundësive për rritje ekonomike.
Ajo theksoi se ky projekt është pjesë e një strategjie më të gjerë për të përfshirë teknologjinë si element kyç në zhvillimin ekonomik të vendit.
“Në këtë salle jemi mbledhur për të prezantuar shumë projekte. Që prej dy vitesh kemi punuar për të krijuar Startup Albania, por sot me prezantimin dhe linçimin e platformës, agjencia e Startup-ve kthehet në vizionin që ne kemi, sesi duhet një institucion të shërbejë. Domethënë me procedura automatike, me proceduara që nuk bëhen nga njeriu por nga inteligjenca artificiale, me proceduara transparente dhe mbi të gjitha me proceduara që i shërbejnë ekosistemit. Shumë shpejt në platformë do të kemi një modul për trajnimin, të cilën do t aksesojë çdo kush që ka dëshirë të bëhet pjesë e këtij ekosistemi.
