Presidenti Donald Trump e cilësoi aktivistin konservator Charlie Kirk, i vrarë së fundmi, si një “dëshmor për lirinë amerikane” gjatë shërbesës përkujtimore në Arizona, duke premtuar se do ta vazhdojë veprën e tij.
Ai akuzoi “së majtën radikale” për përgjegjësi në vrasjen e Kirk, duke thënë se vrasja ndodhi pasi Kirk foli “të vërtetën që kishte në zemër”.
Në ceremoninë e zhvilluar nga Turning Point USA në stadiumin State Farm në Glendale, u mblodhën dhjetëra mijëra njerëz në një atmosferë emocionuese.
Erika bashkëshortja e Charlie Kirk, mbajti një homazh emocional, duke folur për përkushtimin e tij ndaj familjes, fesë dhe punës së tij si aktivist.
Figurat politike konservatore e përdorën këtë rast si thirrje për mobilizim dhe vazhdim të kauzës së Kirk, duke premtuar se do ta ruajnë kujtimin dhe vlerat që përfaqësonte.
