Në javën e 5-të të Superiores, Vllaznia pret sot në orën 19:00 ekipin e Vorës në “Loro Boriçi”, në atë që do të jetë përballja e parë zyrtare mes dy skuadrave në histori.
Ky duel vjen pas një ecurie të mirë të të dy ekipeve në nisje të kampionatit, ndërsa më parë ata nuk janë ndeshur kurrë në nivelet e larta, për shkak të pjesëmarrjes në kategori të ndryshme ndër vite.
Takimet mes tyre janë zhvilluar vetëm në grupmosha, ndërsa tani do të masin forcat për herë të parë në elitë. Vëmendje të veçantë merr edhe rikthimi në Shkodër i mbrojtësve Dajan Shehi dhe Serjan Repaj, sot pjesë e Vorës, por dikur pjesë e kuqebluve.
