Gjykata e Posaçme e Apelit për Korrupsionin dhe Krimin e Organizuar ka ndryshuar masën e sigurisë ndaj avokatit Besart Logu, duke hequr “arrestin në shtëpi”.
Vendimi u shpall sot nga gjyqtari Florjan Kalaja, i cili pranoi pjesërisht ankimimin e bërë nga Logu ndaj vendimit të mëparshëm të Gjykatës së Shkallës së Parë të Posaçme.
Sipas njoftimit zyrtar të GJKKO, ndaj Logut është caktuar masa e sigurimit “ndalim i përkohshëm për të ushtruar profesionin e avokatit”.
Në njoftim theksohet gjithashtu se palët kanë të drejtë ta ankimojnë këtë vendim në Gjykatën e Lartë brenda 45 ditëve nga dita e njoftimit të vendimit të arsyetuar.
SPAK e akuzon se avokati Logu i mori një italiani 8 mijë euro për të ndikuar tek drejtësia.
