Në Francë, mijëra punëtorë, pensionistë dhe studentë dolën sot në protesta në të gjithë vendin kundër masave të propozuara për shkurtime në shpenzimet publike. Greva ndikoi edhe në mbylljen e Kullës Eiffel për turistët në Paris.
Sindikatat i bëjnë thirrje kryeministrit të ri, Sébastien Lecornu, të heqë dorë nga ngrirja e përfitimeve sociale dhe masat shtrënguese, duke kërkuar gjithashtu rritje taksash për shtresat më të pasura.
Lecornu, i emëruar muajin e kaluar, ende nuk ka shpallur detajet e planit të tij buxhetor apo kabinetin qeveritar, çka pritet të ndodhë së shpejti.
