Reshjet e shiut gjatë natës dhe ditës së sotme janë shoqëruar me ulje temperaturash dhe reshje dëbore në zonat malore të Bulqizës.
Në fshatrat e thellë të njësive Martanesh dhe Zerqan, trashësia e dëborës ka arritur deri në 10 centimetra.
Dëborë është regjistruar edhe në zonat minerare të Thekës dhe Tërnovës, ku punojnë shumë minatorë.
Policia lokale u bën thirrje drejtuesve të automjeteve që transportojnë punëtorët të përdorin zinxhirë për shkak të vështirësive në qarkullim.
