Vasillaq Vasili, 52-vjeçari shofer i linjës Sarandë-Athinë, u kap në pikën kufitare Qafë-Botë më 18 nëntor 2024 me rreth 3.4 gram kokainë në çantën e tij.
Gjatë kontrollit u gjetën 6 doza me pluhur të bardhë dhe një peshore elektronike.
Ai pranoi se ishte përdorues i kokainës dhe se drogën e kishte blerë në Athinë për 80 euro.
Ekspertiza toksikologjike konfirmoi përdorimin e kokainës në organizmin e tij.
Gjykata e Sarandës e dënoi për “prodhim dhe shitje të lëndëve narkotike” me 5 vite burg, por me aplikimin e gjykimit të shkurtuar dënimi u la në 3 vite e 4 muaj burg, që do të vuhet në një burg me siguri të zakonshme.
