Një aksident me fatalitet ka ndodhur mbrëmjen e sotme në aksin Gjirokastër-Kakavijë, ku një pasagjere e linjës Gjirokastër-Janinë është përplasur nga një automjet sapo ka dalë nga autobusi. Drejtues i automjetit është një oficer i Policisë së Shtetit.
Viktima është identifikuar si Kostulla Harito, 71 vjeçe. Në vendngjarje kanë mbërritur grupi hetimor dhe Autoriteti i Mbrojtjes së Personave (AMP), të cilët kanë shoqëruar drejtuesin e automjetit në ambientet e policisë.
Policia Rrugore po vijon hetimet për të zbardhur shkaqet e aksidentit tragjik.
