Aktori i njohur italian Remo Girone ka ndërruar jetë sot në moshën 76-vjeçare, në banesën e tij në Monako. Ai u bë i famshëm për rolin e Tano Cariddit në serialin “La Piovra”, një figurë që simbolizonte lidhjen mes mafies dhe botës financiare.
I lindur në Asmara të Eritresë, Girone pati një karrierë të pasur në film, teatër dhe televizion. Ai bashkëpunoi me regjisorë të njohur si Ettore Scola dhe Peter Greenaway, si dhe mori pjesë në projekte ndërkombëtare si “Le Mans ’66” dhe “The Equalizer 3”, ku interpretoi figura ikonike si Enzo Ferrari.
Vdekja e tij shënon një humbje të madhe për kinemanë dhe kulturën italiane.
