Partia Socialiste në Mat ka shpallur zyrtarisht Altin Bojnin si kandidatin e saj për zgjedhjet e pjesshme për kryetar bashkie, të cilat do të mbahen më 9 nëntor.
Ky vendim u mor në një mbledhje të zgjeruar të Asamblesë së PS-së në Mat, ku u diskutuan rezultatet e zgjedhjeve të majit dhe strategjia për fitoren e ardhshme.
Kryetari lokal i PS-së, Hasan Pasha, bëri një analizë të rezultateve të 11 majit, ku PS siguroi 60% të votave kundrejt 36% të Partisë Demokratike, duke theksuar se ka mundësi për të përmirësuar më tej performancën në zgjedhjet e nëntorit.
Deputeti Agron Malaj nënvizoi rëndësinë e konsolidimit të strukturave dhe ndikimin pozitiv të investimeve qeveritare në rritjen e besimit të qytetarëve, duke theksuar nevojën për një fushatë të fortë për të fituar bindshëm.
