Kroacia bllokon një tjetër ngarkesë me produkte shqiptare në kufi. Janë bllokuar një sasi me krem fistiku (pistachio), me prezencë të një toksine helmuese.
Sistemi Evropian RASFF ka njoftuar se ngarkesa me ‘pastën e fistikëve’ apo gjalpë stikash nga Shqipëria është bllokuar në kufi për shkak të prezencës së lartë të Aflatoksinës.
Mostrat për këtë ngarkesë janë marrë nga autoritetet kroate më 8 shtator, dhe nga analizat ka rezultuar prezencë e lartë e toksinës e cila është asgjësuar.
Njoftimi në sistemin evropian është bërë më 3 tetor, në mënyrë që edhe shtete të tjera që kanë marrë këtë produkt, të bllokojnë tregtimin dhe përdorimin e tij.
