Mikela Pupa ka ndarë në rrjetet sociale emocionet e saj pas ngjarjes së rëndë që tronditi Shqipërinë ku gjyqtari Astrit Kalaja u qëllua për vdekje me katër plumba gjatë një seance gjyqësore për një çështje pronësie.
Në një postim emocional, Mikela tregoi se ndodhej në trafik në Tiranë kur pa një autokolonë policore dhe ambulanca që po lëviznin me urgjencë drejt vendngjarjes.
Fillimisht kishte menduar se bëhej fjalë për një aksident, por më vonë mësoi për atentatin ndaj gjyqtarit nga lajmet në rrjetet sociale.
“U trishtova, u ligështova. ‘Zot ç’bëhet në këtë vend?’, thashë përsëri. Pashë vajzën time dhe ndjeva keqardhje ta rris në këtë vend,” shkroi ajo, duke shprehur shqetësimin për sigurinë në Shqipëri.
