Presidenti francez Emmanuel Macron pritet të emërojë një kryeministër të ri brenda dy ditëve të ardhshme.
Kryeministri në largim, Sebastien Lecornu, deklaroi për France 2 se “misioni im ka përfunduar” dhe se shumica e Asamblesë Kombëtare nuk dëshiron shpërndarjen e saj, pasi kjo do të sillte një bllokim politik.
Lecornu theksoi se Parlamenti është i fragmentuar, por ekzistojnë forca politike, kryesisht nga e majta, që po punojnë për një kornizë të përbashkët buxhetore, duke shmangur krizën.
Ai i ka thënë presidentit se emërimi i kryeministrit të ri është detyrë e tij, ndërsa vendimi final i takon kreut të shtetit.
