Dita e martesës së Selena Gomez me Benny Blanco u shoqërua me emocione dhe gëzim, por një moment i papritur tërhoqi vëmendjen e ndjekësve.
Në videot nga prapaskenat, Selena u pa duke mbajtur një aparat që ngjante si cigare elektronike njëpërdorimshe. Sapo kuptoi se po filmohej, ajo tentoi ta fshehë, por detaji u kap dhe u bë viral.
Reagimet në rrjet ishin të përziera: disa kritikuan zgjedhjen e saj në ditën e dasmës, ndërsa të tjerë e mbrojtën, duke thënë se një moment i tillë nuk zbeh dot bukurinë e ngjarjes. Selena nuk ka komentuar ende për këtë situatë.
Ky rast ndezi një debat më të gjerë për pritshmëritë që krijohen ndaj figurave publike, ku çdo veprim i tyre duhet të duket “i përsosur”. Megjithatë, ajo ditë do të mbahet mend për më shumë sesa vetëm këtë moment, por për betimet dhe festën e veçantë.
