Skuadra e vajzave e Vllaznisë pësoi një humbje të thellë me rezultatin 7-0 në përballjen e parë të fazës finale të kualifikueseve të Europa Cup, ndaj Interit në Milano.
Katër gola u shënuan që në pjesën e parë, ku përfshihet edhe një autogol i Bajraktarit, dy gola nga Ulaert dhe një nga Detrujer, duke vulosur rezultatin 4-0 në pjesën e parë.
Në fraksionin e dytë, Interi shtoi edhe tre gola të tjerë përmes Bugejas dhe dopjetës së Polit.
Ndeshja e kthimit do të zhvillohet më 15 tetor në stadiumin “Loro Boriçi” në Shkodër, ku Vllaznia do të kërkojë të ndryshojë fatin e duelit.
